ବଲାଣି, ୪/୨(ନି.ପ୍ର) - ଭାରତୀୟ ଇସ୍ପାତ ପ୍ରାଧିକରଣ(ସେଲ୍) ଅଧିନସ୍ଥ ବଲାଣି ଖଣିର ମ୍ୟାଟେରିଆଲ ମେନେଜମେଣ୍ଟ(ଏମ୍ ଏମ୍) ବିଭାଗରେ ଆଟେଣ୍ଡାଣ୍ଟ କମ୍ ଟେକ୍ନିସିଆନ ଭାବରେ କାର୍ଯ୍ୟରତ ସୁଶୀଲ ନାଏକଙ୍କ ବିୟୋଗରେ ବଲାଣି ଖଣିର ଏମ୍ ଏମ୍ ବିଭାଗର ବିଭାଗ ପ୍ରମୁଖ ରାଜେନ୍ଦ୍ର ନାରାୟଣ ସାହୁଙ୍କ ଅଧ୍ୟକ୍ଷତାରେ ବଟମ୍ ଷ୍ଟୋର ପ୍ରାଙ୍ଗଣରେ ଏକ ଶୋକ ସଭାର ଆୟୋଜନ ହୋଇ ଯାଇଛି । ସୁଶୀଲ ନାଏକ ଏମ୍ ଏମ୍ ବିଭାଗରେ କାର୍ଯ୍ୟରତ ଥିଲେ ଓ ପରବର୍ତ୍ତୀ ସମୟରେ ଯକୃତ କର୍କଟ ରୋଗରେ ପୀଡିତ ହୋଇ ଚିକିତ୍ସିତ ହେଉଥିଲେ । ମଙ୍ଗଳବାର ଭୋର ପ୍ରାୟ ୫ ଘଟିକା ସମୟରେ ଚିକିତ୍ସାଧୀନ ଅବସ୍ଥାରେ ବଲାଣି ସ୍ଥିତ ସେଲ୍ ଡାକ୍ତରଖାନାରେ ସେ ଅନ୍ତିମ ନିଶ୍ବାସ ତ୍ୟାଗ କରିଥିଲେ । ଏହି ଶୋକ ସଭାରେ ଏମ୍ ଏମ୍ ବିଭାଗର କନିଷ୍ଠ ପ୍ରବନ୍ଧକ ମୃତ୍ୟୁଞ୍ଜୟ ସ୍ୱାଇଁ , ଷ୍ଟୋର କିପର ସେବାବ୍ରତ ପାଲ, କର୍ମଚାରୀ ବିହାରୀ ଲାଲ ସୁର୍ଯ୍ୟବଂଶୀ, ଶିବାଶିଷ୍ ନନ୍ଦ, ଠିକା କର୍ମଚାରୀ ପଙ୍କଜ କୁମାର ସିଂହ, ଶ୍ରବଣ କୁମାର ବେହେରା, ନାରାୟଣ ଗୌଡ଼, ରାଜେଶ ରୱାନି,ପ୍ରଫୁଲ୍ଲ କାରୁଆ , ରାଜକିଶୋରୀ ତିର୍କୀ, ବିକ୍ରମ ମୁଣ୍ଡା, ଜେବିଟି କର୍ମଚାରୀ ଅଭିଜିତ ସିଂହ ଏମ୍ ଜନକ୍ସନ କର୍ମଚାରୀ ବିରେନ୍ଦ୍ର ଦାସ ପ୍ରମୁଖ ଉପସ୍ଥିତ ଥିଲେ।