ମୁମ୍ବାଇ- ବଲିଉଡର ଧକ୍ ଧକ୍ ଗର୍ଲ ମାଧୁରୀ ଦୀକ୍ଷିତଙ୍କ ସୌନ୍ଦର୍ଯ୍ୟ ଆଜିବି ଲୋକଙ୍କୁ ମନ୍ତ୍ରମୁଗ୍ଧ କରେ । ନୂଆ ବର୍ଷରେ ରିଲିଜ୍ ହେବାକୁ ଯାଉଛି ମାଧୁରୀଙ୍କ ଫିଲ୍ମ ପଞ୍ଚକ । କିଛି ଦିନ ହେବ ଲୋକସଭା ନିର୍ବାଚନ ଲଢିବାକୁ ନେଇ ଚର୍ଚ୍ଚାରେ ଅଛନ୍ତି ମାଧୁରୀ । କେବଳ ଏତିକି ନୁହେଁ, ବିଜେପି ଟିକେଟରୁ ଲୋକସଭା ନିର୍ବାଚନ ଲଢିବା ନେଇ ମଧ୍ୟ ଚର୍ଚ୍ଚା ହେଉଥିଲା । ତେବେ ଏବେ ଏହା ଉପରେ ମୁହଁ ଖୋଲିଛନ୍ତି ମାଧୁରୀ ଓ ଶ୍ରୀରାମ ନେନେ ।
ମାଧୁରୀଙ୍କ ରାଜନୀତିରେ ପ୍ରବେଶ ଉପରେ ଡକ୍ଟର ନେନେ କହିଛନ୍ତି ଯେ, ରୋଲ୍ ମଡେଲ ସମାଜର ମାର୍ଗଦର୍ଶନ କରୁଛନ୍ତି । ସମାଜରେ କିଛି ଭଲ ସୁଧାର ଆସିବ ତାହାହେଲେ ଭାରତ ନମ୍ବର ୱାନ ହେବ । ରାଜନୀତି ଆମ ଆୟତ୍ତର କଥା ନୁହେଁ । ଆମେ ପ୍ରତିଦିନ ନୂଆ କିଛି ଶିଖିବାକୁ ଚେଷ୍ଟା କରୁ । ଆମେ ଏଭଳି ଲୋକଙ୍କ ସହାୟତା କରିବାକୁ ପସନ୍ଦ କରୁ । ଅନ୍ୟପଟେ ମାଧୁରୀ କହିଛନ୍ତି ଯେ, ମୋତେ ପ୍ରତି ନିର୍ବାଚନରେ ଜବାବ ଦେବାକୁ ପଡିଥାଏ । କିନ୍ତୁ ନିର୍ବାଚନ ଲଢିବାକୁ ନେଇ ମୋର ମହତ୍ୱାକାଂକ୍ଷା ନାହିଁ । ରାଜନୀତିରେ ମୋର ଉତ୍ସାହ ନାହିଁ । ମୁଁ ସୃଜନାତ୍ମକ ଅଟେ । ପ୍ରତି ନିର୍ବାଚନରେ ମୋତେ କେଉଁଠାରୁ ନା କେଉଁଠାରୁ ମୈଦାନକୁ ଓହ୍ଲାଯାଇଥାଏ । ରାଜନୀତିରେ କୌଣସି ଆଗ୍ରହ ନାହିଁ ବୋଲି କହିଛନ୍ତି ମାଧୁରୀ ।