ନୂଆଦିଲ୍ଲୀ, 10 ଡିସେମ୍ବର
- ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଜି କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଏସଏମ କୃଷ୍ଣାଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି । ସେ କହିଛନ୍ତି ଯେ, ସେ ଅସାଧାରଣ ନେତା ଥିଲେ । ତାଙ୍କର ସବୁ କ୍ଷେତ୍ରର ଲୋକେ ସମ୍ମାନ କରୁଥିଲେ । ଆଜି ଭୋରରେ ବେଙ୍ଗାଲୁରୁରେ ତାଙ୍କ ବାସଭବନରେ ତାଙ୍କର ବିୟୋଗ ହୋଇଛି ।
ପ୍ରଧାନମନ୍ତ୍ରୀ ମୋଦି ଏକ୍ସ ପୋଷ୍ଟରେ ଲେଖିଛନ୍ତି ଯେ, ଶ୍ରୀ ଏସଏମ କୃଷ୍ଣା ଜଣେ ଅସାଧାରଣ ନେତା ଥିଲେ, ସବୁ କ୍ଷେତ୍ରର ଲୋକେ ତାଙ୍କର ସମ୍ମାନ କରୁଥିଲେ । ସେ ସବୁବେଳେ ଅନ୍ୟର ଜୀବନକୁ ଭଲ କରିବା ପାଇଁ ପ୍ରୟାସ କରୁଥିଲେ । କର୍ଣ୍ଣାଟକ ମୁଖ୍ୟମନ୍ତ୍ରୀ ଭାବେ ତାଙ୍କ କାର୍ଯ୍ୟକାଳ ଖାସ କରି ଭିତ୍ତିଭୂମି ଢାଂଚାର ବିକାଶ ଉପରେ ତାଙ୍କ ଦ୍ୱାରା ସ୍ୱତନ୍ତ୍ର ଭାବେ ଦିଆଯାଇଥିବା ଧ୍ୟାନକୁ ନେଇ ତାଙ୍କୁ ସ୍ମରଣ କରାଯିବ । ଶ୍ରୀ ଏସଏମ କୃଷ୍ଣା ଜଣେ ପାଠକ ଓ ବିଚାରକ ବି ଥିଲେ ।