ପ୍ୟାରିସ- ଭାରତର ଷ୍ଟାର ଜାଭେଲିନ ଥ୍ରୋ ଆଥଲେଟ ନୀରଜ ଚୋପ୍ରା ପ୍ୟାରିସ ଅଲମ୍ପିକ 2024ରେ ପୁରୁଷଙ୍କ ଜାଭେଲିନ ଥ୍ରୋ ଇଭେଂଟରେ ଫାଇନାଲରେ ପ୍ରବେଶ କରିଛନ୍ତି । ମଙ୍ଗଳବାର ଖେଳାଯାଇଥିବା ପୁରୁଷଙ୍କ ଜାଭଲେିନ ଥ୍ରୋ କ୍ୱାଲିଫିକେସନ ରାଉଣ୍ଡରେ ନୀରଜ ନିଜ ପ୍ରଥମ ପ୍ରୟାସରେ 89.34 ମିଟରର ଚମତ୍କାର ଥ୍ରୋ କରିଥିଲେ, ଯାହାକି 84 ମିଟରର ସ୍ୱତଃ କ୍ୱାଲିଫିକେସନରୁ ଢେର୍ ଅଧିକ । ଭାରତୀୟ ଷ୍ଟାର ନୀରଜ ଚୋପ୍ରା ଗ୍ରୁପ ବିର କ୍ୱାଲିଫିକେସନରେ ସର୍ବପ୍ରଥମେ ଆରମ୍ଭ କରିବାକୁ ଆସିଥିଲେ । ସେ ଚମତ୍କାର ପ୍ରଦର୍ଶନ କରି ପ୍ରଥମ ପ୍ରୟାସରେ ହିଁ 89.34 ମିଟରର ଥ୍ରୋ କରିଥିଲେ ।