ଇସଲମାବାଦ- ଉତ୍ତର ଓଜିରିସ୍ତାନର ଭିନ୍ନ ଭିନ୍ନ ଅଂଚଳରେ ଶନିବାର ସୁରକ୍ଷାବଳ ଉପରେ ଆକ୍ରମଣରେ 7 ପୋଲିସ କର୍ମଚାରୀଙ୍କ ମୃତ୍ୟୁ ହୋଇଛି । ଏହି ଆକ୍ରମଣରେ ଦୁଇଜଣ ଆହତ ହୋଇଛନ୍ତି । ଆକ୍ରମଣ ପରେ ପୋଲିସ ତଲାସୀ ଅଭିଯାନ ଆରମ୍ଭ କରିଛି ।
ଉତ୍ତର ୱଜିରିସ୍ତାନର ତହସିଲ ଦତ୍ତା ଖେଳର ହସନ ଅଂଚଳରେ ସୁରକ୍ଷାବଳ ଉପରେ ପ୍ରଥମ ଆକ୍ରମଣ ହୋଇଥିଲା । ବୋମା ନିରୋଧୀ ଟିମକୁ ଟାର୍ଗେଟ କରି ବିସ୍ଫୋରଣ କରାଯାଇଥିଲା । ଧମାକା ପରେ ଆକ୍ରମଣକାରୀମାନେ ସୁରକ୍ଷାକର୍ମୀଙ୍କ ଉପରକୁ ଗୁଳି ଚଳାଇଥିଲେ । ଏଥିରେ 5ଜଣ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଥିଲା ଏବଂ ଅନ୍ୟ ଦୁଇଜଣ ଆହତ ହୋଇଛନ୍ତି ।
ଅନ୍ୟ ଏକ ଘଟଣାରେ ଆକ୍ରମଣକାରୀ ମୀର ଅଲିର ସୀମାନ ଅଂଚଳରେ ସୁରକ୍ଷାବଳ ଚୌକି ଉପରକୁ ଆକ୍ରମଣ କରିଥିଲେ । ଏହି ଆକ୍ରମଣରେ ଦୁଇଜଣ ସୁରକ୍ଷାକର୍ମୀଙ୍କ ମୃତ୍ୟୁ ହୋଇଥିଲା ଏବଂ ଅନେକ ଆହତ ହୋଇଥିଲେ । ଏହାପରେ ସ୍ଥାନୀୟ ଅଂଚଳକୁ ଘେରାବନ୍ଦୀ କରି ତଲାସୀ ଅଭିଯାନ କରାଯାଉଛି ।