ଇସଲମାବାଦ, 9 ନଭେମ୍ବର
- ପାକିସ୍ତାନର କ୍ୱେଟା ରେଲୱେ ଷ୍ଟେସନରେ ଶନିବାର ସକାଳେ ଜୋରଦାର ବୋମା ବିସ୍ଫୋରଣରେ 16ଜଣ ଲୋକଙ୍କ ମୃତ୍ୟୁ ହୋଇଥିବା ବେଳେ 30ରୁ ଅଧିକ ଲୋକ ଆହତ ହୋଇଛନ୍ତି । ଆହତଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ମୃତକଙ୍କ ସଂଖ୍ୟା ବଢିବା ନେଇ ଆଶଙ୍କା କରାଯାଉଛି । ପୋଲିସ ଓ ରେସକ୍ୟୁ ଟିମ୍ ଘଟଣାସ୍ଥଳରେ ପହଂଚିଛନ୍ତି । ବୋମା ନିରୋଧକ ଟିମକୁ ମଧ୍ୟ ଘଟଣାସ୍ଥଳକୁ ଡକାଯାଇଛି । ବିସ୍ଫୋରଣର ତଦନ୍ତ କରାଯାଉଛି । ବିସ୍ଫୋରଣ ସମୟରେ ଏକ ଟ୍ରେନ ପ୍ଲାଟଫର୍ମରୁ ପେଶାୱର ଯିବାକୁ ପ୍ରସ୍ତୁତ ହେଉଥିଲା । ତେବେ ଏହି ସମୟରେ ବିସ୍ଫୋରଣ ଯୋଗୁ 16ଜଣଙ୍କ ମୃତ୍ୟୁ ହୋଇଥିବା ବେଳେ 30ରୁ ଅଧିକ ଆହତ ହୋଇଛନ୍ତି । ପ୍ରାରମ୍ଭିକ ତଦନ୍ତରୁ ଏହା ଆତ୍ମଘାତୀ ବିସ୍ଫୋରଣ ବୋଲି ଅନୁମାନ କରାଯାଉଛି ।