ଇସଲମାବାଦ- ପାକିସ୍ତାନର ସର୍ବାଧିକ ସାଧନ ସଂପନ୍ନ ଓ ଅଶାନ୍ତ ବେଲୁଚିସ୍ତାନ ଅଂଚଳର ନବାବ ଆକବର ବୁଗତିଙ୍କ 18ତମ ମୃତ୍ୟୁ ବାର୍ଷିକୀ ଅବସରରେ ଅସ୍ତ୍ରଶସ୍ତ୍ରଧାରୀ ବିଦ୍ରୋହୀମାନେ ସୋମବାର ସକାଳୁ ରାତି ଯାଏ ଯାତ୍ରୀବାହୀ ବସ, ରାଜପଥଳ ରେଲୱେ ବ୍ରିଜଠାରୁ ନେଇ ପୋଲିସ ଥାନାକୁ ଟାର୍ଗେଟ କରି ରକ୍ତପାତ କରିଥିଲେ । ଏହି ଆକ୍ରମଣରେ 50ରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ସ୍ଥାନୀୟ ଲୋକଙ୍କ ମୁତାବକ 70ରୁ ଅଧିକ ଲୋକଙ୍କୁ ଗୁଳି ବାଜିଛି । ପାକିସ୍ତାନର ପ୍ରମୁଖ କବର କାଗଜ ମୁତାବକ ଆତଙ୍କବାଦୀମାନେ 38 ନିର୍ଦ୍ଦୋଷ ଲୋକଙ୍କ ଜୀବନ ନେଇଛନ୍ତି । ସେହିପରି 14ଜଣ ସୁରକ୍ଷାକର୍ମୀ ଏହି ଆକ୍ରମଣରେ ମୃତ୍ୟୁବରଣ କରିଛନ୍ତି । ସେହିପରି ସୁରକ୍ଷାକର୍ମୀଙ୍କୁ ଗୁଳିରେ 21ଜଣ ଆତଙ୍କବାଦୀଙ୍କ ମୃତ୍ୟୁ ହୋଇଛି ।