ନୂଆଦିଲ୍ଲୀ, 11 ନଭେମ୍ବର
- ଜଷ୍ଟିସ ସଂଜୀବ ଖନ୍ନ ଆଜି ଦେଶର 51ତମ ଚିଫ୍ ଜଷ୍ଟିସ ଭାବେ ଶପଥ ନେଇଛନ୍ତି । ରାଷ୍ଟ୍ରପତି ଦ୍ରୌପଦୀ ମୁର୍ମୁ ଜଷ୍ଟିସ ସଂଜୀବ ଖନ୍ନାଙ୍କୁ ଚିଫ୍ ଜଷ୍ଟିସ ଭାବେ ଶପଥ ପାଠ କରାଇଛନ୍ତି । ଜଷ୍ଟିସ ସଂଜୀବ ଖନ୍ନାଙ୍କୁ 2019ରେ ସୁପ୍ରିମକୋର୍ଟର ବିଚାରପତି ଭାବେ ନିଯୁକ୍ତ କରାଯାଇଥିଲା । ଏହାପୂର୍ବରୁ ସେ ଦିଲ୍ଲୀ ହାଇକୋର୍ଟର ବିଚାରପତି ଥିଲେ । ଜଷ୍ଟିସ ସଂଜୀବ ଖନ୍ନାଙ୍କ ପ୍ରଧାନ ବିଚାରପତି ଭାବେ କାର୍ଯ୍ୟକାଳ ନଭେମ୍ବର 11ରୁ 2025 ମେ 13 ଯାଏ ରହିବ । 1960 ମେ 14ରେ ଜନ୍ମ ହୋଇଥିବା ଜଷ୍ଟିସ ସଂଜୀବ ଖନ୍ନା 1983ରେ ଓକିଲାତି ଆରମ୍ଭ କରିଥିଲେ ।