କୋଲକାତା 9 ନଭେମ୍ବର-ହାୱଡାର ସାଲିମାର ଅଭିମୁଖେ ଯାଉଥିବାବେଳେ ନଳପୁର ନିକଟରେ ଶନିବାର ସକାଳେ ଯାତ୍ରୀବାହୀ ଟ୍ରେନର ତିନୋଟି କୋଚ ପଟରୀରୁ ଖସିଯାଇଥିଲା। ଦୁର୍ଘଟଣାରେ କେହି ମୃତାହତ ହେବାର ଖବର ନାହିଁ।ରେଲୱେ କର୍ମଚାରୀ ଏବଂ ସୁରକ୍ଷାବହିନୀ ଘଟଣାସ୍ଥଳରେ ପହଁଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି।ଦୁର୍ଘଟଣା ହେତୁ ଦକ୍ଷିଣ-ପୁର୍ବ ରେଲୱେ ସେବା ବ୍ୟାହତ ହୋଇଛି।ଦକ୍ଷିଣ -ପୁର୍ବ ରେଲୱେର ଜଣେ ଅଧିକାରୀ କହିଛନ୍ତି ଯେ ଦୁର୍ଘଟଣାରେ କୌଣସି ଆହତଙ୍କ ସମ୍ପର୍କରେ ସୁଚନା ନାହିଁ।ଦୁର୍ଘଟଣାଗ୍ରସ୍ତ ହୋଇଥିବା ତିନୋଟି ଡବ୍ବା ମଧ୍ୟରୁ ଦୁଇଟିରେ ଯାତ୍ରୀ ଥିବାବେଳେ ଏକ ପାର୍ସଲ ଭ୍ୟାନ ଥିଲା। ଅଧିକାରୀମାନେ ଘଟଣାସ୍ଥଳରେ ପହଁଞ୍ଚି ଦୁର୍ଘଟଣାର କାରଣ ଅନୁସନ୍ଧାନ କରୁଛନ୍ତି।ରେଳ ସେବାକୁ ପୁନଃସ୍ଥାପିତ କରିବାକୁ ଉଦ୍ୟମ କରାଯାଉଛି। ଏହି ଦୁର୍ଘଟଣା ଯୋଗୁଁ ଦକ୍ଷିଣ-ପୁର୍ବ ରେଲୱେ ଏହି ମାର୍ଗରେ ଟ୍ରେନ ଚଳାଚଳରେ ବିଳମ୍ବ ଘଟିଛି ଏବଂ କିଛି ଗାଡିର ମାର୍ଗ ପରିବର୍ତ୍ତନ କରାଯାଇଛି।