ନୁଆଦିଲ୍ଲୀ 21 ଅକ୍ଟୋବର -କେନ୍ଦ୍ର ଗୃହ ଏବଂ ସହଯୋଗ ମନ୍ତ୍ରୀ ଅମିତଶାହ ପୋଲିସ ସ୍ମୃତି ଦିବସ ଅବସରରେ ଆଜି ନୁଆଦିଲ୍ଲୀ ସ୍ଥିତ ଜାତୀୟ ପୋଲିସ ସ୍ମାରକରେ ସହୀଦ ପୋଲିସ କର୍ମଚାରୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି।ଏହି ଅବସରରେ ସେ କହିଛନ୍ତି ମୋ ପାଇଁ ଭାଗ୍ୟର ବିଷୟ ଯେ ଆଜି ମୁଁ ଏଠାରେ ଅମର ଯବାନଙ୍କୁ ପୁଷ୍ପମାଲ୍ୟ ଅର୍ପଣ କରିବାର ସୁଯୋଗ ପାଇଛି।ଶାହ କହିଛନ୍ତି,ଏହି ଜବାନମାନେ ଆମର ସୀମାକୁ ସୁରକ୍ଷିତ ରଖନ୍ତି।ମାଇନସ 50ରୁ 50 ଡିଗ୍ରୀ ସେଲସିୟସରୁ ଅଧିକ ତାପମାତ୍ରାରେ ସୀମାକୁ ସୁରକ୍ଷା କରିଥାନ୍ତି।ସର୍ବୋପରି ବଳିଦାନ ଦେଇଥିବା ଏପରି ଜବାନମାନଙ୍କ ପରିବାରକୁ ମଧ୍ୟ ସମ୍ମାନର ସହ ପ୍ରଣାମ କରୁଛି।କେନ୍ଦ୍ର ଗୃହ ରାଜ୍ୟମନ୍ତ୍ରୀ ବନ୍ଦୀ ସଂଜୟ କୁମାର ମଧ୍ୟ ଜାତୀୟ ପୋଲିସ ସ୍ମାରକରେ ସହାଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବାକୁ ପହଁଞ୍ଚିଥିଲେ।ଏହି ଅବସରରେ କେନ୍ଦ୍ରୀୟ ସଶସ୍ତ୍ରପୋଲିସ ବାହିନୀ ଏବଂ ଦିଲ୍ଲୀ ପୋଲିସର ମିଳିତ ପରେଡ ମଧ୍ୟ ଆୟୋଜିତ ହୋଇଥିଲା।