ଜମ୍ମୁ- ବିଜେପିର ବରିଷ୍ଠ ନେତା ତଥା କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଆଜି ଦ୍ୱିପ୍ରହରରେ ଜମ୍ମୁରେ ପହଂଚୁଛନ୍ତି । ଜମ୍ମୁ କଶ୍ମୀରରେ ବିଧାନସଭା ନିର୍ବାଚନର ପ୍ରସ୍ତୁତି ମଧ୍ୟରେ ସେ ଅପରାହ୍ନ ସାଢେ 3ଟା ବେଳେ ବିଜେପିର ସଂକଳ୍ପ ପତ୍ର ଜାରି କରିବେ । ଅନୁଥମ ହୋଟେଲରେ ଏହି କାର୍ଯ୍ୟକ୍ରମ ହେବ । ଏହି କାର୍ଯ୍ୟକ୍ରମରେ ଜମ୍ମୁ କଶ୍ମୀର ବିଧାନସଭା ନିର୍ବାଚନ ପ୍ରଭାରୀ କେନ୍ଦ୍ରମନ୍ତ୍ରୀ ଜି କିଷାନ ରେଡ୍ଡୀ, ରାମ ମାଧବ ଓ ରାଷ୍ଟ୍ରୀୟ ମହାସଚିବ ତରୁଣ ଚୁପ ବି ଉପସ୍ଥିତ ରହିବାର ସମ୍ଭାବନା ରହିଛି । ରାଜ୍ୟର ଲୋକଙ୍କ ସହ ଆଲୋଚନା କରି ବିଜେପି ପକ୍ଷରୁ ସଂକଳ୍ପ ପତ୍ର ପ୍ରସ୍ତୁତ କରାଯାଇଛି ।