ଚମ୍ପୁଆ, (୦୯/୧୨) ଚମ୍ପୁଆ ଥାନା ଅନ୍ତର୍ଗତ ବଡନଈ ପଞ୍ଚାୟତ ଇଚିଣ୍ଡା ଗ୍ରାମ ଶଗଡିଆ ଜଙ୍ଗଲ ନିକଟରେ ଦୁଇଟି ବାଇକ ମଧ୍ୟରେ ମୁହାଁମୁହିଁ ଧକ୍କା ହେବାରୁ ଦୁଇ ଜଣ ବାଇକ ଆରୋହୀ ଆହତ ହୋଇଥିବା ଜଣାପଡିଛି । ଆଜି ସଂଧ୍ୟାରେ ବାଇକରେ କରଞ୍ଜିଆରୁ ରିମୁଳି ଯାଉଥିବା ତ୍ରିଲୋଚନ ନାଏକଙ୍କ ବିପରୀତ ଦିଗରୁ ବାଇକରେ ଆସୁଥିବା କଳିଙ୍ଗା ଗ୍ରାମର ସୁଦାମ ଶେଖର ମହାନ୍ତଙ୍କ ସାଙ୍ଗେ ମୁହାଁ ମୁହିଁ ଧକ୍କା ହୋଇଥିଲା । ଫଳରେ ତ୍ରିଲୋଚନ ଓ ସୁଦାମ ଆହତ ହୋଇଥିଲେ । ଆହତ ମାନଙ୍କୁ ସଙ୍ଗେ ସଙ୍ଗେ ଚମ୍ପୁଆ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରା ଯାଇଥିଲା । ତେବେ ତ୍ରିଲୋଚନଙ୍କ ଗୋଡରେ ଆଘାତ ଲାଗିଥିବା ବେଳେ ସୁଦାମଙ୍କ ଅବସ୍ଥା ଗୁରୁତର ରହିଥିବା ଜଣାପଡିଛି ।