ବାରାବଙ୍କି- ଉତ୍ତର ପ୍ରଦେଶର ବାରାବଙ୍କି ଜିଲ୍ଲାର ବଡ୍ଡୁପୁର ଥାନା ଅଂଚଳରେ ଗତକାଲି ବିଳମ୍ବିତ ରାତିରେ ଭୟାବହ ସଡକ ଦୁର୍ଘଟଣା ହୋଇଛି । ଏହି ଦୁର୍ଘଟଣାରେ 5ଜଣଙ୍କ ମୃତ୍ୟୁ ହୋଇଛି । କିଛି ଲୋକ ଗୁରୁତର ଆହତ ହୋଇଛନ୍ତି । ଦୁର୍ଘଟଣା ସଂପର୍କରେ ସୂଚନା ପାଇବା ପରେ ଜିଲ୍ଲାପାଳ ଓ ଏସପି ଘଟଣାସ୍ଥଳରେ ପହଂଚିଛନ୍ତି ।
ପୋଲିସ ସୂଚନା ମୁତାବକ ଗୁରୁବାର ରାତିରେ କୁର୍ସି ମହମୁଦାବାଦ ରୋଡରେ ବଡ୍ଡୁପୁର ଥାନା ଅଂଚଳର ଲକ୍ଷ୍ନୌ-ମହମୁଦାବାଦ ରାସ୍ତାରେ ଦୁଇଟି କାର ଓ ଗୋଟିଏ ଅଟୋ ରିକ୍ସା ମଧ୍ୟରେ ଦୁର୍ଘଟଣା ହୋଇଥିଲା । ଏଥିରେ 5ଜଣଙ୍କ ମୃତ୍ୟୁ ନେଇ ସୂଚନା ମିଳିଥିଲା । ଇନୈତରପୁର ନିକଟରେ ସାମ୍ନାରୁ ଆସୁଥିବା ଏକ କାର ଅଟୋ ସହ ଜୋରଦାର ଧକ୍କା ହୋଇ ଅନ୍ୟ ଦିଗରୁ ଆସୁଥିବା ଏକ କାର ସହ ଧକ୍କା ହେବା ପରେ ଜଳାଶୟ ଭିତରକୁ ଖସିପଡିଥିଲା ।