ଚମ୍ପୁଆ,(୨୫/0୯) ଚମ୍ପୁଆ ବ୍ଲକ ପରିମଳ ଓ ଗ୍ରାମ୍ୟ ଜଳ ଯୋଗାଣ ବିଭାଗର କନିଷ୍ଠ ଯନ୍ତ୍ରୀ ରାମକୃଷ୍ଣ ସିଂ ଙ୍କ ଝୁଲନ୍ତା ମୃତ ଦେହ ତାଙ୍କ ନିଜ ଗ୍ରାମ ଜୟନ୍ତୀନାପୁର ବୈତରଣୀ ନଦୀ କୂଳରେ ଏକ ଜାମୁ ଗଛରୁ ଉଦ୍ଧାର କରା ଯାଇଛି l ନିକଟରେ ତାଙ୍କ ବାଇକ ଓ ହେଲମେଣ୍ଟ ରହି ଥିବାବେଳେ ଏକ ନୂଆ ପ୍ଲାଷ୍ଟିକ ଦଉଡ଼ିରେ ତାଙ୍କ ମୃତ ଦେହ ଝୁଲୁଥିବା ଅବସ୍ଥାରେ ଠାବ କରାଯାଇଛି l ସେ ଗତକାଲି ଦିନ ବେଳୁ ଚମ୍ପୁଆସ୍ଥ ବ୍ଲକ୍ କୋଲନୀ ସରକାରୀ ବାସ ଭବନରୁ ନିଖୋଜ ଥିଲେ l ଘରୁ ବାହାରିବା ସମୟରେ ନିଜ ମୋବାଇଲ ଘରେ ଛାଡି ଦେଇଥିବାରୁ ଘର ଲୋକେ ତାଙ୍କୁ ଚାରି ଆଡ଼େ ଖୋଜା ଖୋଜି କରି ଥିଲେହେଁ ତାଙ୍କର କୌଣସି ଖୋଜ ଖବର ପାଇ ନ ଥିଲେ l ଆଜି ତାଙ୍କ ଗାଁ ଲୋକେ ସକାଳୁ ନଦୀକୁ ଗାଧୋଇବାକୁ ଯାଇ ଥିବାବେଳେ ତାଙ୍କ ମୃତ ଦେହ ଝୁଲୁଥିବା ଅବସ୍ଥାରେ ଦେଖି ଘର ଲୋକଙ୍କୁ ଖବର ଦେଇଥିଲେ l ଏ ନେଇ ଚମ୍ପୁଆ ପୋଲିସକୁ ସୂଚନା ଦିଆ ଯିବାପରେ ଖବର ପାଇ ଚମ୍ପୁଆ ପୋଲିସ ଓ ସାଇଣ୍ଟିଫିକ ଟିମ ଘଟଣାସ୍ଥଳରେ ପହଂଚି ତଦନ୍ତ ଆରମ୍ଭ କରିଥିବା ଜଣାପଡିଛି।