ଚମ୍ପୁଆ, ୨୩/୧୨ (ତ୍ରିନାଥ ମହାନ୍ତ) ଚମ୍ପୁଆ ଉପଖଣ୍ଡସ୍ଥ ବଡ଼ବିଲ ଥାନା ଅନ୍ତର୍ଗତ ବଡ଼ବିଲ ପୌରାଞ୍ଚଳ ନିୟୁମାର୍କେଟରେ ଥିବା ବହୁ ପୁରାତନ ଶ୍ରୀରାମ ଭକ୍ତ ହନୁମାନଙ୍କ ବିଗ୍ରହ ମୂର୍ତ୍ତିକୁ କେହି ଅସାମାଜିକ ତତ୍ୱ ଭାଙ୍ଗି ଦେଇଛି। ଆଜି ସକାଳୁ ଏହି ଖବର ଅଞ୍ଚଳରେ ପ୍ରଘଟ ହେବାପରେ ହଜାର ହଜାର ସଂଖ୍ୟାରେ ଲୋକେ ରାଜରାସ୍ତାକୁ ଓହ୍ଲାଇବା ସହ ସମଗ୍ର ବଡ଼ବିଲ ସହରକୁ ବନ୍ଦ୍ କରିଥିବା ଦେଖିବାକୁ ମିଳିଛି। ସମସ୍ତ ଦୋକାନ ବଜାର ଠାରୁ ଆରମ୍ଭ କରି ଗାଡି ମଟର ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି। ବସ ଚଳାଚଳ ବନ୍ଦ ଯୋଗୁଁ ଯାତ୍ରୀ ମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି। ତେବେ ଅଞ୍ଚଳରେ ଚାପା ଉତ୍ତେଜନା ଲାଗି ରହିଥିବାରୁ ବଡ଼ବିଲ ପୋଲିସ୍ ପ୍ରଶାସନ ପକ୍ଷରୁ ଉପଖଣ୍ଡ ପୋଲିସ ଅଧିକାରୀ ଓ ବଡ଼ବିଲ ଥାନାଧିକାରୀ ପୋଲିସ ଟିମ ସହିତ ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିବା ସହ ପରିସ୍ଥିତି ଉପରେ ନଜର ରଖିଛନ୍ତି।